Día das Letras Galegas 2023

O alumnado de 3ºB de Primaria preséntanos brevemente a Francisco Fernández del Riego, o autor homenaxeado no Día das Letras Galegas 2023.

 

Entrevistas musicais para celebrar o Día da Muller

 Neste 8 de Marzo, Día da Muller, a profe Lorena púxonos en contacto con grandes estrelas do panorama musical galego para facerlle unhas preguntas e coñecer un pouco máis a súa vida e obra. Esperemos que vos gusten! Iremos subindo as diferentes entrevistas co paso dos días. Estade atentas e non volas perdades!

25-N: Día Internacional da Eliminación da Violencia contra as Mulleres.

As alumnas de 6º de Primaria, colaboradoras da Biblioteca do cole, cóntannos neste breve programa de Los 40 Colegiales as historias que leron para conmemorar o Día Internacional da Eliminación da Violencia contra as Mulleres este 25 de Novembro. 

 

Historias de Samaín 22/23.

Estreamos o blogue do curso 2022/2023 da radio de Infantil e Primaria do CPI da Cañiza coas historias gañadoras do concurso de relatos de Samaín. Coma en cursos anteriores, o Equipo de Dinamización da Lingua Galega promoveu este concurso para celebrar o Samaín no colexio. As historias gañadoras foron as de Martina Estévez (6ºB) e Daniela Lopes (5ºB). Parabén as premiadas e esperamos que vos gusten os seus relatos terroríficos!

 

2 de Maio, Día contra o Acoso Escolar.

O pasado luns, día 2 de Maio, celebrouse o Día contra o Acoso Escolar. Dende a clase de 4ºB de Primaria, o grupo de Educación en Valores xunto coa súa mestra, Cristina, quixo contarnos unhas historias sobre este tema. Deixámosvolas para que poidades escoitalas.

23 de Febreiro, Día de Rosalía.

O 23 de Febreiro celébrase o nacemento de Rosalía de Castro. Para este día tan especial, o alumnado de 3º e 4º de Primaria gravou o poema "Adiós ríos, adiós fontes" xunto coas mestras de 4º. Aquí vos deixamos a gravación. Esperamos que vos guste moito!

 

DÍA DA PAZ 2022

 Para celebrar o Día da Paz 2022, o alumnado de Infantil e Primaria do CPI da Cañiza gravou este breve poema para todos e todas vós. Esperamos que vos guste!

GAÑADORES DO CONCURSO DE RELATOS DE SAMAÍN 2021

 O Equipo de Dinamización da Lingua Galega puxo en marcha un concurso de relatos de terror para celebrar o Samaín 2021 no CPI da Cañiza. Neste concurso participaron os alumnos e alumnas de 5º e 6º de Primaria. 

As gañadoras foron as historias de Lois Domínguez (6ºB) e Alexia Miguélez (5ºA).

Queredes escoitar estes relatos tan terroríficos? Pois aquí volos deixamos!

III CONCURSO DE PODCASTS - RADIO NA BIBLIO

 Con motivo do Día das Letras Galegas 2021, a Dirección Xeral de Centros e Recursos Humanos convocou o III Concurso de Podcasts - Radio na Biblio, nesta ocasión relacionados coa figura homenaxeada este 17 de Maio: Xela Arias.

Dende o CPI da Cañiza quixemos sumarnos a este concurso e aportar uns audios gravados na radio de Infantil e Primaria. Aínda que non houbo sorte e non gañamos ningún dos premios, pasámolo moi ben e aprendemos moitas cousas sobre Xela Arias!

 Para escoitar os programas, premede nas imaxes.

O primeiro podcast é de todo o alumnado de 6° de Educación Infantil que nos relatan o Festival Das Letras Galegas e ata fixeron un rap e todo! 

O seguinte traballo é do alumnado de 3º de Primaria. Dende o Departamento de Orientación chega un poema de Xela Arias para todos e todas vós.

O alumnado de 6º de Primaria A tamén se quixo sumar a este concurso e xuntos gravaron unha entrevista a Xela Arias!

E, por último, un traballo do Equipo de Dinamización da Lingua Galega coas alumnas de 6º de Primaria para coñecer a vida e a obra de Xela Arias.

Moitas grazas a todos e todas pola vosa implicación e participación neste proxecto. E, aos oíntes de Los 40 Colegiales, esperamos que vos guste! Vémonos no vindeiro programa!

ENTREVISTA A MARÍA CANOSA (DÍA DO LIBRO 2021)

Hoxe celebramos o Día do Libro cun programa moi especial, o primeiro en directo, coa escritora galega María Canosa. O alumnado de 5º e 6º de Primaria realizoulle unha pequena entrevista para coñecer un pouco máis a súa obra, vida e futuros plans. Ata nos adiantou unha sorpresiña que ten preparada! Moitas grazas a María polo seu tempo e por ser tan amable cos alumnos e alumnas. Moito gusto de terte connosco neste día!

 

8 de Marzo na clase de Valores

O alumnado de 4º e 5º de Primaria, e a profe Ana, fálannos das mulleres máis importantes da Historia para coñecelas un pouquiño máis na celebración do 8 de Marzo, o Día da Muller. Esperamos que vos guste este novo programa de "Los 40 colegiales".

O Día da Muller no CPI da Cañiza

O pasado 8 de Marzo celebramos o Día Da Muller cunha pequena gravación do alumnado de 3ºB de Primaria. Pois seguimos con elas! Para rematar esta conmemoración tan especial, tivemos aos dous seguintes grupos que nos contaron quen son as mulleres máis importantes nas súas vidas, e ás que máis admiran. Esperamos que vos guste!

8 de Marzo, Día da Muller.

Hoxe, Luns 8 de Marzo, celebramos o Día Da Muller na radio de Infantil e Primaria do CPI da Cañiza. O alumnado de 3ºB de Primaria, e a súa mestra Cristina, contáronnos un pouco a historia deste día, por que se celebra e algunhas ideas que coñecen sobre o mesmo. Tamén poderemos coñecer cómo están a conmemorar esta data tan especial na súa clase. Deixámosvos con Cristina, Joana, Daniela, Alba, Yoli e Eric. Esperamos que vos guste!

DÍA MUNDIAL DA RADIO, 13 DE FEBREIRO

Hoxe, día 13 de Febreiro, celebramos o Día Mundial da Radio. E que mellor maneira de facelo que cun programa de "Los 40 Colegiales"? 

Os alumnos e alumnas de 2º de Primaria aproveitan este rincón radiofónico para comentarnos como foi o Entroido no CPI da Cañiza e as súas opinións sobre a radio en xeral.

Recomendacións Literarias do alumnado de 6º de Infantil B

Los 40 Colegiales, a radio de Infantil e Primaria do CPI da Cañiza, está de volta. E volvemos cun programa para recomendarvos a todos e todas unhas lecturas. Como xa sabedes, este curso non podemos ir á biblio do cole a coller libros, pero son os libros os que van vir ás nosas clases! Cando os leades, poderedes recomendarllos tamén aos vosos compañeiros e compañeiras como fixeron desta vez os nenos/as de 6º de Infantil B. Escoitamos a Eric Arca, Diego, Anxo e Iara.

 

DÍA DO LIBRO 2020

Hoxe, 23 de abril, é o Día do Libro. Para celebralo, os mestres e mestras do CPI da Cañiza gravaron, dende as súas casas, uns audios contando contos, historias, poemas, lendas... para todo o alumnado do colexio.

Esperamos que vos guste este programa especial, que está dividido en 6 partes. Vémonos pronto!







Para rematar, unha recopilación de historias en galego e un poema narrados polo mestre Xabier, de Educación Secundaria.
 

ENTREVISTA A LEDICIA COSTAS

O día 5 de marzo de 2020 recibimos na biblioteca do CPI da Cañiza a Ledicia Costas, escritora galega de títulos coma "Escarlatina, a cociñeira defunta" ou "Esmeraldina, a pequena defunta" entre outros. Aquí vai unha pequena entrevista coa autora á que agradecemos a súa participación na actividade.

GAÑADORES DO CONCURSO " ESCOLLER UN NOME É LOGO PARA A NOSA RADIO" NO CPI A CAÑIZA

Para poder comezar coa nosa radio, fixemos un concurso 

donde participaron  os rapaces  de  Infantil e Primaria

para poñerlle o nome a radio é o logo que a identifique.

Foron moitos nenos/as os que participaron e foi moi díficil,

escoller entre tantas ideas.

Moitas grazas a tódolos/as participantes.

E agora sí , A NOSA NORABOA PARA:

SABELA RODRÍGUEZ ESPADAS

de 3º de Primaria que diseñou o Logo.

Sabela recibiu o seu agasallo, con moita emoción.

SARA DOMÍNGUEZ ROSA,

 EIRE GONZÁLEZ DOMÍNGUEZ 

E LOLA RIVEIRO RODRÍGUEZ

de 6º de Primaria, que lle puxeron nome a nosa radio:

"Los 40 Colegialesª

As gañadoras recibiron un agasallo, con moito agarimo.

Día Mundial da Radio (A Diversidade no CPI da Cañiza)

Hoxe, 13 de febreiro, é o Día Mundial da Radio.

Dende Ponte nas Ondas propuxéronnos unha actividade para realizar dende a radio do cole que consistía en falar sobre a diversidade. Que mellor maneira de facelo que contar coa opinión de Pili, a mestra de Pedagoxía Terapéutica da Aula Específica do centro, así como coas voces dos e das protagonistas desta aula, os alumnos e alumnas que a forman.

Escoitamos a Nerea, Uxía, Martín e Adrián.

Presentación da radio do CPI da Cañiza

Estamos no aire! Neste primeiro programa presentamos a radio do noso colexio e damos a coñecer as gañadoras do concurso que lle puxeron nome e imaxe. Noraboa ás premiadas e ao resto de participantes polas vosas ideas.